„Имам микропенис - никогаш не ги лажам девојките за големината, но им го чувствувам разочарувањето“ (18+)

„Секогаш ги избегнував соблекувалните за да не ми се забележи големината на половиот орган. Секојпат кога сакам да имам секс, се молам за најдобриот можен исход. Партнерките најчесто се разочарани уште во првиот миг“ – вели маж во искрена исповед, кој откри дека има шестпати помал пенис од просечната големина.

Една исповед на Reddit деновиве привлече внимание, откако еден анонимен корисник призна дека има микропенис, па отворено одговараше на прашања поврзани со неговата состојба. Многумина имаа што да го прашаат овој корисник, а тој отворено зборува за сите предизвици со кои се соочува, а неговите одговори се најдоа и во поголем број светски медиуми.

Во групата насловена „Прашај ме што сакаш“ (Ask Me Anything) корисникот со алијас LsZen7 откри како изгледа неговиот живот со микропенис.

Инаку, според истражувањата микропенисот е пенис кој кај возрасен маж достигнува должина од околу 9.3cm во ерекција, а овој корисник вели дека има пенис што е шестпати помал од нормалата (13,3 cm).

Тој вели дека кога бил на возраст од 6 години, лекарите му ја дијагностицирале состојбата, но речиси целиот живот морал сам да се справува со проблемот и да научи како да живее со него.

„Додека растев секогаш ги избегнував соблекувалните, а не сакав да одам на базен или на плажа за да не ми се забележи големината на пенисот. Сум имал голем број срамни мигови заради тоа, а еднаш или двапати ми се случило да ми се потсмеваат на работа за тоа како ми стојат пантолоните кога ќе седнам“ – раскажува тој.

Голем број корисници на Reddit имаа прашања за неговиот љубовен и сексуален живот, па го прашаа како вообичаено им се додворува на девојките и дали ги лаже за големината.

„Не ги лажам жените на почетокот и ако имаме отворени разговори за сексот секогаш сум искрен за мојата големина.

Другпат се случило брзо да се развијат работите, па тогаш само се молам за најдобриот исход. Мислам, најчесто секоја партнерка била разочарана. Најчесто можам да го почувствувам нивното разочарување и останувам засрамен“ – вели тој.

Корисникот вели дека заради состојбата, љубовниот живот му се претворил во вистински пекол и дека најчесто партнерките бегаат од него веднаш штом ќе видат што има да им понуди, па нема ниту можност да користи други методи за да им пружи задоволство на друг начин.

„Понекогаш се случува несигурноста да ме совлада, но за жал таква ми била среќата и научив да живеам со тоа и да се прифатам себеси“ – вели тој.

Инаку, во 2021-ва година на улиците низ Лос Анџелес излегоа голем број мажи кои го одржаа „Маршот на малите пениси“ со цел да се дестигматизираат мажите што имаат потпросечна големина на половиот орган.

Сѐ поголем е бројот на оние мажи што тврдат дека големината не е толку важна, а дека многу се поважни емоциите и начинот на којшто се одвива самиот интимен чин. Кон маршот во знак на поддршка се приклучија и голем број мажи што немаат проблем со надареноста, а излегоа и повеќе девојки.

 

Б. С. Б. | Црнобело