„Дечко ми бараше да избришам слика на која сум во бикини, па го откачив - зошто донесов ваква одлука?“
Откако актерот Џона Хил беше обвинет дека ја терал девојката да ги избрише сите слики на кои е во бикини, многу жени почнаа да споделуваат слични искуства. Меѓу нив е Јана Хокинг, позната како експерт за љубовни состаноци.
Жените веќе не се плашат искрено да зборуваат за проблемите што ги имаат со партнерот кој сака да ги контролира.
Откако неодамна Сара Брејди го обвини актерот Џона Хил дека ја терал да ги избрише сите слики на кои е во бикини, во времето кога биле во врска, многу жени на социјалните мрежи почнаа да споделуваат слични искуства.
„Мојот насилен поранешен дечко сакаше да ги избришам фотографиите од Инстаграм на кои ми се откриени рамениците, затоа што личело како да сум гола. Личело!!!“ – вели една жена.
„Ме потсетуваат на времето кога бившиот ми се налути и се скара со мене затоа што носев „градник“ во видео на ТикТок“, вели друга.
„Моето поранешно момче ми купи фустан што тој го избра, а потоа ми се налути што го носев во куќата на неговите родители“, вели трета жена.
„Ова е всушност многу вообичаено однесување на мажите“, вели новинарката и експерт за љубовни состаноци Јана Хокинг, која своето непријатно искуство го сподели за Daily Mail.
„Пред неколку години, еден дечко со кој штотуку почна врската да ни станува сериозна, ми се јави бесен затоа што објавив слика од себе и пријателите на плажа, а на која ми се гледаше деколтето.
'Тргни ја веднаш! Ќе се сретнеш со моите родители следната недела! Што ако мојата баба ја види таа фотка' – беше неговиот коментар.
Според неговиот тон, Јана сфатила дека е време за тревога, па наместо да ја тргне фотката од социјалните мрежи, решила да му раскине на своето момче.
„Учтиво му реков да се откачи, а сликата остана на Инстаграм. Таа година не запознав ниедна баба“, додала Јана.
Хокинг има и совет за оние кои се наоѓаат во слична ситуација:
„Ако партнерот зборува со вас на овој начин, можеби е подобро да излезете од таа врска. Бидејќи, верувајте, не сакате да го носите на себе цел живот тој багаж“.
А. Ј. | Црнобело
Би можело да ве интересира:
Препорачуваме
Најчитани неделава
