Што не смеете да и кажете на жена која наполнила триесет години?

Иако во триесеттите жените имаат најголема самодоверба и се на врвот од својата интелектуална, но и физичка убавина, кога годините се во прашање, со жените не треба да се шегувате.

Премногу отворените коментари зборуваат повеќе за вас отколку за неа.

Еве што треба да се избегнува како коментар.

Ти си престара...

Никогаш немојте да кажете дека во „тие години“ не би смеела да прави одредени грешки, да излегува со погрешни момци, да носи тесни фустани, да одбира лоши работи... Совеста секако ќе и проработи и повеќе нема да може да се извлекува на наивноста од дваесеттите.

Треба да се грижиш за себе

Многумина имаат потреба на жени над триесет да им даваат совети здраво да се хранат бидејќи во тие години метаболизмот станува побавен, а и не се веќе во цветот на младоста. Нема да им биде баш мило да слушнат ако ги посоветувате да почнат да тренираат.

Биолошкиот часовник е навистина табу тема

Границите на мајчинството се поместени. Жените се сè поуспешни на деловното поле, имаат други приоритети, желби и сни. Впрочем, тоа е приватна работа и оној кој на жените им зборува за биолошкиот часовник во најмала рака е безобразен.

Си наполнила 30?

Да се наполнат 30 години за жената преставува пресвртница. Веќе има доволно искуство, мудрост, самодоверба и животот е пред неа. Најдоброто дури сега доаѓа. Но, ако тоа некој постојано го потенцира ја преминува границата на пристојноста.