Мажите кои се под стрес сакаат покрупни жени

Неодамнешните истражувања покажале дека мажите кои се изложени на секојдневен стрес за партнерки одбираат покрупни дами со изразени атрибути.

Научниците тврдат дека мажите вработени на одговорни позиции кои секојдневно се под стрес попрвин како симбол на женска убавина ќе ја одберат буцмастата Кејт Винслет, отколку тенката Анџелина Џоли.

Психолозите од Универзитетот Вестминстер во Лондон тестирале 80 мажи со просечна тежина. Ги поделиле во две групи, половина од нив учествувале на интервју чија цел била на испитаниците да им се создаде чувство на стрес.

По интервјуто испитаниците гледале слики на кои се прикажувани жени со различна градба.

Резултатите покажале дека речиси ниту еден маж од првата група на испитаници не покажал особен интерес за жени со покрупна градба, додека групата „под стрес“ исклучиво ги издвојувала покрупните дами како симбол на женска убавина.

Докторот Viren Svami рекол дека социолошките околности и економската несигурност се главната причина покрупните жени повеќе да ги привлекуваат мажите под стрес.

Научниците веруваат дека основната причина е таа што мажите потсвесно веруваат дека физички крупните жени истовремено се и ментално и карактерно посилни и дека се во состојба полесно да се изборат со кризните ситуации во животот.