Секс без заштита - нормална појава

Новото истражување спроведено во Велика Британија покажа дека 70% од жените редовно практикуваат секс без заштита, а од нив, дури 18% признале дека често се премногу пијани за да им текне дека треба да користат кондоми.

Во истражувањето во кое учествувале 2.000 жени на возраст од 18 до 40 години, 1/3 објасниле дека страста ги обзема до тој степен што забораваат на кондоми, а 1/5 тврдат дека имаат доверба во партнерите дека нема да им пренесат полова болест или да ги забременат.

8% признале дека едноставно не сакаат секс со заштита. Десетина жени постари од 30 години признале дека чувствуваат напнатост кога треба да разговараат за контрацепција со нов партнер.

Др. Тони Стил, овие резултати ги смета за загрижувачки, потсетувајќи дека сексот без заштита може да има големи последици на здравјето, почнувајќи од несакана бременост па до полови болести.