Мажите избегнуваат пет типа жени

Кога зборуваме за мажите и жените, како и за нивните лоши навики, обично за жените се зборува како за оние кои се склони кон предрасуди и немилосрдно оценување на потенцијалните партнери.

Од машка перспектива, ова се петте вида на жени со кои во никој случај не би сакале да имаат нешто повеќе од поздрав.

1. Без ни малку размислување, првиот тип на жена која сите би ја избегнале е постојаната дрдорка, која не престанува да зборува дури ни кога спие. Додека некои жени мислат дека е слатко да се зборува многу и да се споделуваат значајни информации уште на првиот состанок – грешат.

2. Мажите ги привлекуваат жени кои малку флертуваат, но кога станува збор за непристоен флерт со секој маж на патот, тогаш дефинитивно тие се одбивни. Можеби ќе ви звучи чудно, но многу мажи овие жени ги опишуваат како жени со лесен и низок морал.

3. Ако го прашате било кој маж, ќе ви каже една работа – очајот не е воопшто привлечен. Па затоа можеби на третото место се наоѓаат жените кои навистина очајно се обидуваат да заведат. Доколку тој не реагира на неколку ваши сигнали, јасно е дека тоа не води никаде и не, не треба да се обидувате упорно.

4. Жените со многу машки пријатели се потполно необјаснива појава за спротивниот пол. Можеби тоа е заради некоја нејасна љубомора, но голем дел од мажите имаат лоша слика за девојката која постојано е опкружена со момчиња.

5. Поделени се мислењата и за последниот тип на жени кои мислат дека е во ред мажот да биде казнет за секоја негова грешка. Мажите тврдат дека овој тип на жени се многу мистериозни и не знаат што мислат се додека не погрешат нешто. А тогаш? Следуваат драми, расправии и казни. Не, тоа не е воопшто привлечно, тврди поголемиот дел на машката популација.