Што преставува љубовта?

„Што е љубов?“ Во изминатата година овие зборови беа меѓу најгугланите. Во обид еднаш за секогаш да се одговори на комплексното прашање, "Guardian" собрал луѓе од областа на науката, психологијата, книжевноста, религијата и филозофијата за да дадат своја дефиниција.

Физичарот Jim Al-Khalili: Љубовта е хемија

Биолошки гледано, љубовта е моќна невролошка состојба како гладта, или жедта, само што е потрајно. Зборуваме за слепа безусловна љубов над која всушност и немаме контрола. Тоа и не изненадува, бидејќи љубовта во својата основа е хемија. И додека страста е сексуална желба со рок ан траење, вистинската љубов со себе повлекува цела низа реакции во мозокот – феромони, допамин, серотонин, окситоцин... Меѓутоа, од еволуциона перспектива, љубовта може да се набљудува како алатка за опстанок на човековиот вид која ни помага да одржуваме долгорочни односи и да го создаваме и одгледуваме потомството.

Психотерапевтот Philippa Perry: Љубовта доаѓа во многу облици

За разлика од нас, луѓето од старите времиња немале само едно име за неколку емоции. Ние денес сè нарекуваме со зборот љубов, а порано секоја емоција имала свое име. На пример – ерос, кога зборуваме за сексуална љубов, или агапе, кога зборуваме за најчистиот облик на љубовта. Ние сето тоа денес го нарекуваме со еден збор - љубов. Сето тоа и е љубов, но невозможно е да се очекува дека сите можни облици на љубовта ќе ги исполни само една личност. Затоа и имаме семејство – за меѓусебно да се надополнуваме.

Филозофот Julian Baggini: Љубовта е страсна посветеност

Делумно е невозможно да се даде одговор на прашањето што е љубов, бидејќи љубовта не е една работа. Љубовта за родителите, партнерите, децата, земјата, пријателите.... Сите тие љубови имаат различен квалитет, а секоја има и свои варијанти – слепа, еднострана, трагична, превртлива, невозвратена, заведена... Но, во најдоброто издание љубовта е нашата одлука, односно нашата страсна посветеност кон некој однос кој го негуваме и развиваме. Затоа љубовта е нешто повеќе од чувство. Љубовта е страсна посветеност.

Писателот Jojo Moyes: Љубовта е двигател на сè

Што е љубовта – зависи од тоа каков е вашиот статус. Ако сте сигурни во љубовта, тогаш таа ви е потребна како воздух. Ако ја немате, таа е опсесија која боли. Љубовта е двигател на сите големи приказни – не само романтичните, туку и сите други. Најмногу фасцинира онаа точка пред љубовта, кога е се извесно, полно со исчекување.