Според одот откријте ги неговите чувства

Дали редовно ви се јавува и ве опсипува со внимание, како се однесува кон вас кога е со пријателите, колку често сака да имате секс – сето ова може да биде показател за тоа дали вашиот партнер искрено е заљубен во вас. Но, уште еден знак за неговите чувства кон вас е начинот на кој оди.

Новото истражување  за кое пишува „Live Science“ , покажало дека мажот ја прилагодува брзината на одењето според жената која му е важна, а тоа не го прави кога оди со пријателките.

Во студијата учествувале хетеросексуални парови, а секој од нив морал да изоди одредена патека за да им се измери оптималното темпо на одење. Просекот на мажите е 1,5 метри во секунда, а за жените 1,4 метри во секунда.

Потоа истата патека ја поминале уште неколку пати со својата партнерка, па со пријателка и со пријател. Секојпат ритамот бил поинаков.

Кога одат двајца мажи, двајцата одат побрзо од нивното вообичаено темпо.

Кога одат жените заедно, двете се побавни.

Кога се во прашање парови, мажите забавуваат и го прилагодуваат одот според ритамот на жената, без разлика дали се држат за рака или не.

Според тоа, доколку го забележите дека тој се обидува да ве следи во чекорот и се прилагодува според вас, може да бидете сигурни дека навистина сте му важна и се грижи за вас.

Истото можете да утврдите и кај оној пријател кој ви се допаѓа иако не сте пар.

На следната прошетка внимавајте на неговиот од.