Романтична приказна: Запросување со помош на 15 француски булдози

Како што наближува Денот на вљубените така се појавуваат најразлични идеи и приказни за романтични изненадувања.

Понекогаш не мора да биде нешто фамозно и спектакуларно за да биде забележано. Доволно е да ги знаете омилените работи на партнерот и да го направите најубавото изненадување.

Токму на тоа помислил и Роб Микалеф кога решил да ја побара за жена својата девојка Џесика Самут.

Знаејќи ја нејзината опсесија со слатките кученца од расата француски булдог, решил дека тоа е сигурната варијанта на која нема да може да одолее.

Знаел како вистински да ја освои и да го добие посакуваниот позитивен одговор.

Наместо веќе видените идеи со многу луѓе и флеш моб на некој плоштад тој го одбрал снежниот парк и 15 луѓе, сопственици на нејзините омилени француски булдози.

Добро биле организирани, така што кога тој клекнал пред неа се појавиле прво 2 преслатки кутриња облечени во црвено со врзан балон во вид на срце околу вратот.

Зад нив се појавиле уште 15 луѓе со своите француски булдози и балони во вид на срциња, а во рацете држеле по еден плакат со секоја буква составувајќи „Омажи се за мене, Џес“ (Мarry me Jass).

Се разбира дека не можела да одолее и рекла „Да“, иако подоцна се пошегувала дека прифаќа, но  под услов да ги добие кучињата.