Кога е време да се извините...

Ако го навредите партнерот, а сметате дека не сте кажале ништо погрешно и верувате дека сте во право - немојте да вртите глава и да мислите дека...

 

...немате за што да се извините.

Двете страни можат да имаат потполно логична и разумна причина за својата реакција и затоа и двајцата може да сте во право!

За да ја отстраните оддалеченоста која настанала по караницата најлесно и најдобро е да се извините. Направете го тоа кога сте сами со партнерот и избегнувајте извинување по телефон или СМС. Извинете се еднаш, но нека биде искрено.

Најдобри начини за извинување:

1. Конкретни, јасни
Кога се извинувате држете се до моменталниот проблем. Не споменувајте минати работи и не се извинувајте за се што сте згрешиле во минатото. Така само губите и добивате уште минуси.

2. Само извинување од срце
Немојте да се извинувате само затоа што мислите дека треба. Размислете зошто ќе го кажете тоа и кажете го од срце и искрено. Извинувањето е вистинско само доколку навистина го мислите она што ќе го кажете.

3. Соодветно извинување
Немојте да молите за прошка на колена. Тоа е резервирано само за тешки престапи како изневерување, а тогаш ќе треба да се извинувате малку подолго, поопширно и аргументирано.

Како да прифатите извинување?

1. Казна со молчење не е во ред
На оној кој се извинува најлоша реакција е кога сте ладни. Ако сте лути покажете лутина и кажете што мислите, но немојте никогаш да го казнувате партнерот со молчење. Тоа не го заслужува никој.

2. Повеќе страни
Размислете дали носите и вие кривица за реакцијата на партнерот и караницата. Пробајте да разберете што го навело на таква реакција. Така подобро ќе го разберете проблемот и ќе се смирите.

3. Заблагодарете се и продолжете понатаму
По извинувањето немојте повторно да разговарате за проблемот. Едноставно речете “фала“, “во ред е, го решивме“ и поминете преку тоа.