Како да ја откриете лутината зад нејзиното „Ништо не ми е“?

Затоа што жените се комплексно чудо, може да наидете на многу препреки кога се работи за нивната лутина. Тука се помешаните сигнали, нејасните одговори, молчењето, а на крајот - експлозија.

За да не се доведете во ситуација во која ќе го игнорирате нејзиното „Сè е океј,“ внимателно со овие 6 сигнали. Токму тие ви кажуваат дека е лута, но молчи.

1. Не воспоставува контакт

Жените сакаат кога се јавуваат први и да ве распрашуваат какви ви се плановите, па ако ја нема до пладне, нешто не е во ред. Направете го првиот чекор, ништо страшно нема да се случи ако вие се јавите.

2. Одговорите и се кратки

Често знаете да водите долги разговори, а кога добивате порака од неа сигурно си помислувате дека имате цел роман за читање. Но, ако во изминатите неколку дена нејзините одговори се кратки и претежно го содржат зборчето НЕ, време е за грижа.

3. Нема веќе нежност

Ако одбива да ви ја држи раката или да ви ја гали косата, што инаку обожава, време е да се запрашате што сте направиле. Ова е еден од најсигурните знаци дека нешто не е во ред.

4. Престана да се грижи за вашите избори

Во моментот кога нема да и биде грижа што сте јаделе, кој филм сте го гледале и со кој сте се виделе, бидете свесни дека нешто големо се случува.

5. Ситниците ги претвора во огромен проблем

И тоа не е затоа што вашата девојка обожава расправии, туку затоа што веќе некое време е лута на вас, а вие не забележувате. Малите ситници кои инаку ги премолчува, сега кулминираат.

6. Нејзиниот одговор е: Баш ми е гајле

Оваа реченица не ја поднесуваат ниту мажите, ниту жените. Но, жените сакаат да ја користат кога се лути и изнервирани. Па, ако вели дека и е гајле што ќе вечерате или со кого ќе излезете, подобро е да навлезете подлабоко во проблемот.