10 работи кои ќе ги сфатите ако се заљубите во девојка која сака кучиња

Можеби тоа е последното нешто на кое помислувате да го поставите како плус или минус додека гледате згодна и дотерана девојка во некој клуб и се охрабрувате да ѝ пријдете.

Но, по некое време сигурно ќе се најдете во интересна и непредвидена ситуација со нејзиното куче кое таа го обожува. И не е само нејзиното, туку таа ги сака сите кучиња. Толку многу, што по малку станувате љубоморни.

Девојките кои вистински и безусловно ги сакаат кучињата се посебен тип девојки. Може да изгледаат вообичаено и да се однесуваат така, но сè додека не видат куче во близина.

Тогаш ќе откриете една друга нејзина страна и ќе мора да сфатите некои работи:

1. Никогаш нема да бидете сигурни дали повеќе ве сака вас или нејзиното куче.

2. Секојпат кога се шетате низ градот или некаде во природа, ако види куче сигурно ќе застане да го погали. Сметајте дека ќе изгубите минимум половина час.

3. Исто така, секојпат кога ќе здогледа куче, почнува да се „лигави“ дека и таа сака некое такво, иако веќе има 3 такви.

4. Секое расправање е залудно, нејзиното куче мора да спие со вас во креветот и точка.

5. Ако ги разгледаш фотографиите на нејзиниот Фејсбук профил на пола од нив е таа со кучето, во остатокот е само кучето. Твои слики скоро и да нема.

6. Поскоро би легнала и би заспала покрај кучето, отколку покрај тебе. Од друга страна, пак, неодолива е глетката кога ќе ги видиш како спијат заедно.

7. Влакната од кучето се насекаде, дури и на тебе, па и кога неа ја нема.

8. Кога гледате заедно некој филм сосема е нормално и вообичаено, кучето, без разлика колкаво е, да скокне на креветот и да се смести баш помеѓу вас. Не се обидувај да го тргнеш, поголеми се шансите дека ти ќе завршиш на подот.

9. Не се чуди ако многу често слушаш како на кучето му се обраќа со: „Љубов моја!“

10. Кога ќе те запознава со кучето нека не те чуди ако те претстави како „негов тато“.

Сепак, на крајот, она што е најважно е дека овие девојки се искрени, топли и верни, како своите миленичиња, па нема потреба да се грижите дека ќе ве изневерат со некој друг. Сè додека ја разбирате и прифаќате нејзината љубов со кучето.