Кога не ви оди во сексот

Уште од мали се среќаваме со фотографии од среќни хетеросексуални парови каде има љубов, разбирање, пријтелство и секс во изоблиство.

 

Затоа се чувствуваме лошо и неисполнето доколку еден од овие фактори не е како што треба. Кога сексот не чини, како да го поправите?

1. Најлошо е да се обвинувате меѓусебно. Вашиот сексуален живот не е натпревар каде еден од вас мора да докаже дека е во право.

Во разговорот бидете искрени кон себе и партнерот и кажете ја вистината. Не се напаѓајте и барајте разумно решение.

2. Започнете со некои промени. Понекогаш е доволна и само мала промена која ќе не оттргне од рутината и незадоволството.

На место да сте постојано незадоволни обидете се со следново:

• Угодувајте си еден на друг: во врска често правиме работи за да си угодиме еден на друг. Така и во сексот. Слушнете ги желбите и барањата на партнерот, препуштете се и видете каде ќе ве одведе тоа.

• Согласете се на компромиси. Компромис е магичен збот кога се во прашање партнерските односи. Така и во сексот мора да се најде место за него. Не оние компромиси од кои би пателе физички или психички, само оние кои можете да ги остварите и обострано да ги исполните.

• Пробајте трета опција. Понекогаш сме заслепени од сопствените идеи и тешко се откажуваме од нив. Понекогаш посредувањето помеѓу идеите е невозможно и компромисот не функционира. Пробајте да најдете трета опција за која ќе се согласите двајцата. Знаеме дека не е лесно, но долгорочно е исплатливо.