6 знаци дека подобро е да останете пријатели


6 знаци дека подобро е да останете пријатели

На сите ни се случува да се впуштиме во врска со некој што ни се допаѓа, ама не сме нешто многу воодушевени, но сепак сакаме да му дадеме шанса.

6-znaci-deka-podobro-e-da-ostanete-prijateli-01.jpg

Сé е супер, ама има нешто што постојано нé тера да не сме 100% посветени на врската. Постојат неколку знаци кои укажуваат на тоа дека во вакви случаи, подобро е да останете пријатели.

Прочитајте во продолжение:

Заедно сте, ама ве интересира друга личност

Сите парови поминуваат низ фаза во која не се целосно посветени еден на друг, туку малку „шараат“ и се загледуваат во некој друг. Ако ова често ви се случува, време е да се разделите на љубовен план.

Сексот не е којзнае што

Да, убаво ви е, сé е како што треба, но сепак не се чувствувате сосема обземени и исполнети додека водите љубов. Можеби е само период, но запрашајте дали сакате да продолжите и да работите на тоа, или време е за нешто ново.

Пред да започнете врска сте биле пријатели

Има многу парови кои пред да се впуштат во романтична врска биле пријатели. За некои тоа е добра основа, но за многумина не е баш така. Ако претходно подобро сте функционирале, можеби е време да се вратите на старото пријателство.

6-znaci-deka-podobro-e-da-ostanete-prijateli-002.jpg

Донесувате важни животни одлуки

Постојат периоди во животот кога сме на праг дали нешто да направиме или не. Можеби размислувате да прифатите работа во друг град или да запишете магистерски во странство. На оваа одлука не смее да ви влијае ништо друго, а особено не партнерот за кој и онака не сте сигурни дали сакате да продолжите или не.

Не сакате врска

Сте дале шанса некому, поминало одредено време, но сé повеќе сфаќате дека не сакате врска. Тоа е нормално и ако навистина чувствувате дека сакате да бидете сами, без обврски и одговорности кон друг, бидете искрени и договорете се што понатаму.

М. В. | Црнобело

Би можело да ве интересира:

8 знаци дека е себичен во сексот Себичните луѓе неретко се себични и во сексот. Ако имате таков партнер, тогаш зб...
8 знаци дека е време да почнете да живеете заедно и 8 дека е избрзано Вселувањето во заеднички дом со партнерот е еден од највозбудливите моменти во в...
12 знаци дека не сте со вистинскиот партнер и дека треба да кренете ра... Дали на моменти ви изгледа дека врската ви одзема толку многу енергија како да в...