Во бракот не е сè мед и млеко: Реални совети од разведени парови

Разведените луѓе имаат многу научени лекции за бракот, па нивните совети се сметаат за реални и вистинити.

Тие поминале низ многу фази – возбудата пред да стапат во брак, сите предности и недостатоци на заедничкиот живот и моментите кога љубовната идила почнува да се руши.

Многу парови имаат розова слика за она што ги очекува откако ќе стапат во брак и мислат дека совршениот живот ќе трае вечно. Но, бракот е нешто на кое треба да се работи секојдневно за да успее.

Еве што споделија неколку разведени парови за бракот:

Вашата љубов мора да има цврсти и длабоки корени. Физичката привлечност трае кратко.

Ќе имате многу моменти кога ќе се нервирате, но ако има љубов ќе има и трпение за да се пребродат сите вакви моменти.

Тревата не е секогаш подобра кај некој друг. Можеби изгледа побујна, но не знаете каков квалитет е почвата на која е насадена.

Не е само прстенот, венчаницата, свадбата. Морате да мислите како би било да остарите со оваа личност, да останете заедно и покрај болести и трагедии.

Подобро е да ја „оладите“ главата сами, отколку да паднат тешки зборови што не ги мислите.

Бракот не е секогаш полн со возбуда сам по себе. Важно е да се радувате на мали, секојдневни работи.

Сите сме недовршени ремек-дела и треба да го прифатиме другиот како таков, а не постојано да се обидуваме да го промениме.

Интимноста е она по што вашата врска се разликува од останатите врски. Секогаш бидете ѝ посветени.

За добар брак потребни се двајца кои сè уште учат за животот и признаваат дека не знаат сè.

Бракот понекогаш значи да се наведнете и да му ги врзете врвките на обувките на партнерот кога тие сами нема да можат.

М. В. | Црнобело