Денес се сакаат, утре се откачуваат: Зошто топло-ладно врските се толку актуелни?

Не станува збор за некакво чудно однесување. Воедно, не е карактеристично само за тинејџерите, туку присутно е и кај зрелите луѓе.

Првин, личноста премногу ви се допаѓа, па чувствувате дека сте вљубени до уши. Но, одеднаш сѐ се менува. Во еден миг ја губи сета привлечност во вашите очи, или, пак, обратно. Звучи како добро познато сценарио, зар не?

Притоа, кога велиме одеднаш, мислиме на моментите кога ќе почне поинтензивно да ви праќа пораки, да ви говори дека сака почесто да се гледате, или, пак, да ви ја „лајкува“ секоја можна објава на социјалните мрежи...

Зошто го губите интересот за луѓето кои ви се постојано достапни? Од која причина стануваат незанимливи? Топло-ладно врските се мошне актуелни, а им се случуваат на сите луѓе, независно од возраста. Пресудно влијание имаат неколку психолошки фактори.

Како прво, луѓето по природа го сакаат ловот, неизвесноста и играта, а штом резултатот им е познат, тие го губат интересот, тврдат психолозите.

Меѓутоа, одговорот може да лежи и во нешто сосема друго, за кое не сте ни свесни. Се работи за бегство од интимноста.

Оттука, многумина се повлекуваат во ситуацијата, кога другата страна ќе покаже дека е загреана, заштитувајќи се себеси од можното повредување.

При зближувањето со некого, паѓаат маските и ѕидовите кои внимателно сте ги граделе со години. Станувате почувствителни и поранливи, па лесно може и да излезете повредени од таквиот однос.

Третата е причина е поврзна со очајот. Упорните личности, кои понекогаш не ви допуштаат нормално да дишете, апсолутно се непожелни како партнери. Па, на првите такви знаци, многумина бегаат како избезумени.

М. А. | Црнобело