Зошто мажите со стомак имаат подобар секс од совршено мускулестите?

Сите жени обожаваат да си ги одмораат очите и да ги вклучат фантазиите пред совршено мускулестите машки тела, но кога треба да решат пред кого ќе се соблечат, ситуацијата се менува.

Неодамнешно истражување откри дека 3 од 4 жени попрво би се соблекле пред маж со стомак, кој има некој килограм плус.

96% од жените пак, сметаат дека состанокот со маж кој е опседнат со своите мускули и своето тело, ќе заврши трагично.

Па, зошто жените упорно сонуваат за совршени стомачни, а се задоволуваат со мажи кои слободно го дојадуваат и нивниот оброк?

Според секспертот Трејси Кокс, жените се исплашени кога ќе ги видат добро обликуваните машки мускули.

„74% од жените одбиваат да се соблечат пред мускулест и стегнат маж. Неговата посветеност го издава нејзиниот недостаток, правејќи ја жената да се чувствува грдо и неудобно во своја кожа. Затоа, жените бираат мажи кои не се закана за нивната самодоверба.“

Уште еден интересен, или не толку интересен податок, е што половина од жените би одбиле секс, дури и да се добро расположени и да имаат секси долна облека на себе, само затоа што се чувствуваат „дебело“.

Разликата помеѓу мажите и жените е тоа што кога мажите се гледаат во огледало, без разлика на тоа како изгледаат и колку килограми имаат, решаваат да се фокусираат на делот кој им е најдобар, најразвиен, додека жените „легнуваат болни“ доколку некоја друга има потесен струк или позаоблен задник.

Можеме да заклучиме дека реалните стандарди се добри, но зошто да не се „почестите“ со нешто над просекот кога имате шанса?

М. Д. | Црнобело