Каков е карактерот на мажот – според тоа што носи во кревет?

Боксерки, пижами или без ништо на себе? Она во кое фраерот вообичаено спие, открива мноштво интересни детали за неговата личност.

По зборовите на психологот Саманта Родман, омилената облека на партнерот во постелата, може да ви одговори дали е добар љубовник или сопруг.

Во чија прегратка ќе се чувствувате посебно, ама нема да имате луд и незаборавен секс?  Кој ќе ви пружи материјална сигурност? На кого му е тешко да ѝ се посвети на само една девојка?

Еве каков е карактерот на мажот, според тоа што носи во кревет:

Пижами

Ова е маж на кого најважна му е удобноста. Станува збор за мошне доверлива личност, на која секогаш ќе може да се потпрете. Фраерите кои спијат во пижами, најчесто се приврзани за своите партнерки. Тие ги негуваат семејните односи. Уживаат да се галат, а во  нивната прегратка ќе се чувствувате сигурно и посебно. Сепак, голема е веројатноста дека нема да имате луд и незаборавен секс. Да, срамеживи се, истакнува психологот.

Долна облека

Во оваа категорија дефинитивно припаѓаат мнозинството мажи. Причината е мошне проста - тоа им е наједноставното решение за одење во кревет. Сепак, многу говори и за нивниот карактер. Според зборовите на Саманта, фраерите кои спијат во боксерки не се воопшто комплицирани типови. Тие се љубители на спорт, сакаат да се дружат со пријателите и секогаш се спремни за акција. Често се лојални во љубовта, додека во бракот се добри сопрузи и татковци. Со нив може да сметате на материјална сигурност. 

Ништо

Неносењето облека во кревет, посочува на изразено секспапилен маж, кој е желен за акција и адреналин. Фраерите кои спијат комплетно голи обожаваат патувања и нови животни искуства. Истото важи и за понежниот пол. Луди се по авантури за една вечер, згодни жени и експлозивен секс, тврди Родман. Сепак, добрата вест е дека дури и тие умеат да се вљубат и вистински да сакаат. Додуша, ретко ѝ се посветуваат на само една партнерка. Околината често ги доживува како ексцентрични личности.

М. А. | Црнобело