Дали и зошто да се остане во врска со личност која не ја сакате?

Кога семејството и пријателите ве прашуваат зошто уште сте во врска со личност во која не сте вљубени, најтешко е да го најдете соодветниот одговор на тоа.

Постојат илјадници причини зошто би се спасувала таква врска, без разлика како тоа им изгледа на набљудувачите однадвор. Како најчести причини за ваквиот чекор се стабилноста, заедничкото поминато време, удобноста на воспоставената врска...

Прочитајте ги овие кратки исповеди, кои на некој начин ја поддржуваат вашата одлука:

„Јас и моето момче почнавме врска уште во средно, но потоа заминавме на различни факултети. Во даден момент тој се префрли на друг факултет, за да бидеме поблиску еден до друг. Во истиот момент, почувствував потреба да бидам сингл. Но, во ниту еден момент не го направив тоа, бидејќи тој, од друга страна, направи голем чекор поради мене и ќе беше себично да му раскинам. Сè уште сме заедно.“

„Според мене, љубовта е и да се чувствуваш удобно. Удобноста е дел од љубовта. Моите пријатели мислат дека веќе не го сакам. Можеби се во право, но не ме интересира, сè додека врската е стабилна.“

„Не би знаела да кажам. Различни луѓе различно ја дефинираат љубовта. Сексот ни е добар, сакаме иста храна, гледаме исти филмови... Мене тоа ми е доволно. Не излегувам со други, бидејќи не гледам ништо забавно во тоа.“

„Не го сакав на почетокот на врската, но ми беше интересно вниманието кое го добивав. Мислам дека не знам да кажам дали некогаш постоела љубов, но она што е сигурно е дека веќе имаме изграден заеднички живот.“

„Дали постои љубов? Мислам дека не. Заедно сме затоа што ние сме ние. Ако нема љубов не значи дека не сме среќни и дека тоа е причина да се прекине нешто што веќе е изградено и убаво.“

Е. Д. | Црнобело