Долг секс е добар секс и уште неколку митови во кои паровите веруваат

Луѓето се склони кон прифаќањето на популарните митови како апсолутна вистина, па ниту сексот не е исклучен од тоа.

Според основните анатомски и физиолошки дефиниции, сексот е чин кога машкиот полов орган влегува во вагината, со примарна цел размножување, а секундарна меѓусебно задоволство на партнерите.

Но, дали е сè така како што учиме од книгите по биологија?

Секс = пенис + вагина

Ако се запише математички тврдењето погоре, тогаш ова е точно. Но, што е со оралниот секс? Или пак аналниот? Што се случува кај хомосексуалните парови. Сексот не може да се дефинира со математички принципи.

Сите имаат секс

Овој мит не е точен. Постојат луѓе кои поради најразлични причини никогаш досега немале секс, или пак се откажале од него на одреден период, а можеби и засекогаш.

Долг секс е и добар секс

Апсолутно неточен мит. Секс кој трае повеќе часови може да ги измори партнерите и да ја намали влажноста на вагината, а со тоа да настане и непријатно триење. Од друга страна, има парови кои успеваат да постигнат и по неколку оргазми во временски период помал од еден час.

Првиот секс е секогаш болен

Всушност, доста голем е бројот на девојки кои не почувствувале болка при првиот сексуален однос.

Мажите сакаат секс, а жените љубов

Ова е уште еден мит кој е цврсто вграден во сексуалните стереотипи. Да, постојат и мажи кои се вљубуваат, постојат и жени кои сакаат само необврзувачки секс.

Партнерите треба да имаат еднаков сексуален апетит

Сосема е нормално понекогаш едниот партнер да не сака да има секс, бидејќи го преокупира нешто друго. Исто така, нормално е и да сакаат различна застапеност на сексот, што се решава со разговор и договор.

Е. Д. | Црнобело