Единствената ретка ситуација во која е во ред да раскинете преку СМС

Кога се љубовните состаноци во прашање, не можете да предвидите дали сè ќе биде како што треба, ниту дали ќе ви се допадне личноста.

Но, кога се работи за прекинување, било да е тоа после првиот, петтиот или кој и да е состанок, најдобро е тоа да се направи лично или преку телефонски повик. На тој начин покажувате дека го цените времето кое таа личност ви го посветила, но и самите нив.

Кога се работи за СМС пораки, сосема е во ред кога откажувате кафе или дружба со пријателите или кога известувате некого кога ќе задоцните. Од една страна, пораките се едноставни, бидејќи нема да гледате во разочараното лице, ниту пак ќе го слушате треперливиот глас на личноста со која прекинувате. Навистина, воопшто не е кул кога праќате порака за раскинување и најдобро е да најдете начин да го направите тоа лично.

Дали има ситуација кога е во ред да се раскине со порака?

Во време кога партнерите може да бидат „заедно“ со месеци и години, да имаат редовен секс, но никогаш да не се во официјална врска, веќе не постои јасна дефиниција на овие односи. Бидејќи се нијанси во прашање и во некои од овие односи нештата се само површни, сепак, постојат случаи кога пораката може да ви послужи за раскинување.

Но, пред да го сторите тоа, дефинирајте ја длабочината и суштината на врската, како и личната безбедност. На пример, после еден или два состанока, не мора да „свикате“ трет за да објасните дека нештата не одат, туку е сосема во ред да испратите порака. Во овој случај имате врска „без врска“, а во содржината на пораката мора да бидете директни, без заобиколување.

Постои и исклучок, ако веќе сте спиеле со таа личност. Тогаш, ќе треба да се потрудите малку повеќе, можеби со подолг разговор преку пораки или со повик, но повторно, држете до она што сте го намислиле и не дозволувајте да бидете предомислени поради каква и да е банална причина.

Врските не се лесни, ниту да се создадат, ниту да се задржат, ниту да се прекинат. Најважно од сè е да не бидете дрски, бидејќи сигурно не сакате да оставите емоционална траума кај кој и да било.

Е. Д. | Црнобело