Не сакам некој да се заљуби во мојата убавина, сакам некој да се заљуби во моите лузни

Не сакам некој да се заљуби во мојата насмевка, сакам некој да се заљуби во моите солзи и во приказните кои ги кријат.

Сакам некој да ја разбере болката зад секоја солза и да ги разбере солзите кои ја покриваат секоја насмевка.

Не сакам некој да се заљуби во моето смеење, сакам некој да се заљуби во мојата тишина.

Сакам некој да се заљуби во ехото на мојата тишина. Со мислите кои ме демнат навечер, кога светот се замолчува, собата се затемнува, а мојот ум почнува да се прашува што не е во ред со светот, со мојот живот и со мене. 

Не сакам некој да се заљуби во моето лице, сакам некој да се заљуби во моите очи, да види колку се длабоки и да научи од тајниот јазик кој го зборуваат.

Сакам некој да погледне бестрашно во нив и да го види светот низ моите очи – да види на што блескаат, на што трепкаат, на што ги затворам и како гледам во него.

Не сакам некој да се заљуби во моите усни, сакам некој да се заљуби во зборовите кои излегуваат од нив.

Зборовите кои ги кажувам нежно кога сум кршлива и зборовите кои ги извикувам кога сум нервозна. Зборовите кои ги користам кога си ги искажувам чувствата и кога откривам тајни.

Не сакам некој да се заљуби во мојата нормалност, сакам некој да се заљуби во мојата апсурдност.

Сакам да се заљуби во моите слатки, секојдневни навики, но и во оние чудните. Во моите нереални очекувања и големи соништа. Сакам некој да ги види комплексноста и едноставноста истовремено. Сакам некој да ја види поврзаноста во мојата контрадикција.

Не сакам некој да се заљуби во мојата убавина, сакам некој да се заљуби во моите лузни.

Бидејќи, тие лузни ме прават таа што сум, тие лузни ми помогнале да сфатам што сакам и тие лузни се оние кои покажуваат дека сум била скршена од љубов и тие лузни ми помогнале да сакам пак.

Тие лузни се причината зошто уште сакам иако боли, тие се причината зошто уште барам дури и ако никогаш не најдам никој доволно добар.

Тие лузни ќе бидат главна причина зошто ќе ги разберам неговите лузни и ќе знам како да ги излечам и сакам.

Бидејќи, не сакам да сакам да сакам некој кој никогаш претходно не бил повреден, не сакам да се заљубам заради неговата убавина, туку во она што го прави убав.

Извор