Писмо до љубовницата на маж ми: Зошто ми го зема сопругот?

„Знам парови кои не се среќни, но јас и мојот сопруг бевме среќни, блиски. Само сакам да ја разберам причината зошто имаше афера со зафатен/женет маж?“

Жена која беше изневерена од страна на сопругот напиша писмо до неговата љубовница. Но, писмото предизвика дебата  поради тоа што во него таа ја обвинува љубовницата, но не и сопругот.

Писмото на изневерената жена до љубовницата на маж ѝ:

„Само сакам да ја разберам причината зошто имаше афера со зафатен/женет маж? Среде разделбата мојата 10-годишна ќерка ме праша „Зошто таа жена ни го зема тато?“

Толку невино, а сепак потресно прашање... Те молам објасни ми што доби ти од тоа?

Знам парови кои не се среќни, но јас и мојот сопруг бевме среќни, блиски. Тој беше со мене речиси секогаш. Излегувавме и пиевме заедно. Имавме ноќи за љубовни состаноци, одмори.

Само не можам да сфатам како се случи ова во овие околности?

Му годи на егото на мажот, во ред можам да го разберам тоа, но што е со жената? Знаеш дека тој лежи со неговата сопруга секоја ноќ додека со тебе само си праќа секс пораки, каде е забавата тука?

Да ја објаснам ситуацијата. Тој никогаш не се состануваше со тебе, те гледаше само на работа – НИКОГАШ викенди. Како може жена да биде среќна така?

Само допишување во текот на денот, но никогаш соодветни состаноци или ноќи, затоа што никогаш не можеше да те покани некаде.

Дали некоја жена може да биде среќна така?

Јас подобро би го потрошила моето време барајќи некој друг. Значајна врска, а не да бидам нечија алатка за поткревање на егото.“

Дел од коментарите на писмото од изневерената жена, објавено на социјалните мрежи, беа: „Твојот бес е разбирлив, но го упатуваш на погрешна личност“, „Твојот сопруг е проблемот, никој не ти го „земал“, тој сам направил избор“.

С. С. | Црнобело