Зошто мажите заспиваат после секс?

Доколку вашиот партнер секогаш заспива после секс, нормално е да се посомневате дека нешто не е во ред со вашата врска. Но, науката е овде за да ви докаже дека нема никаков простор за грижа.

Имено, мажите заспиваат после секс поради неколку причини, а ниту една не е поврзана со вас или врската.

Потрошена енергија и оргазам

После секој оргазам, хемијата во машкото тело се менува. Во нивното тело почнува да се лачи биохемикалијата пролактин, која всушност прави мажот да се чувствува изморено.

Од друга страна, жените не секогаш доживуваат оргазам за време на секс, па поради ова и после односот, може да бидат полни со енергија.

Иако постојат малку докази кои објаснуваат зошто мажите заспиваат после оргазам, најверојатно, хормоните како окситоцин, пролактин и ендорфин го предизвикуваат тоа.

Покрај тоа, сексот и оргазмот се како обединување на машката и женската енергија. Машкиот оргазам, за разлика од женскиот, е надворешен, односно, преку ејакулација. Ова, пак, значи празнење на енергијата.

Ова празнење може да го направи мажот поспан бидејќи според истражувањата, префронталниот кортекс на мажите се „исклучува“ после оргазам. Токму овој дел од мозокот е одговорен за свеста, вниманието и менталната активност.

Оргазмот кај жените е „внатрешен“, па нема губење на енергија. Ова објаснува зошто жените и после оргазам имаат енергија.

Прегратки и разговор после секс

Жените неретко сакаат да размислуваат за искуството, а самата комуникација им оди полесно. Доколку вашиот партнер има проблеми со изразувањето, голема е веројатноста да не му се разговара после секс. И во овој случај, вината е ваша, туку неговата биологија.

Сепак, многу секс терапевти тврдат дека прегратките после сексот ја зголемуваат интимноста помеѓу партнерите, како и чувството на поврзаност. Некои истражувања, пак, покажале дека луѓето кои заспиваат после секс, имаат поголема желба за поврзување и внимание.

Што да правите доколку сакате повеќе внимание после секс?

Доколку сепак ви пречи што партнерот заспива после секој однос, можете да преземете нешто. На пример, можете да иницирате да водите љубов пред појадок, ручек или вечера.

Имено, помала е веројатноста партнерот да заспие доколку е гладен. Истовремено, избегнувајте да имате секс само навечер пред спиење, кога и двајцата се преморени.

Во секој случај, најдоброто решение е разговорот. Односно, отворено кажете му на партнерот дека сакате повеќе внимание после водењето љубов. Не сите мажи сакаат да спијат после секс и со задоволство би разговарале и би прифатиле малку нежности пред да заспијат.

Доколку вашиот партнер сепак постојано заспива, немојте да мислите дека проблемот е во вас. Најверојатно тоа значи дека тој се чувствува удобно, убаво и задоволно покрај вас.

Спирова С. | Црнобело