Ве вознемирува ли венчавката?

Некои девојки со радост ќе го дочекаат венчавањето, а некои пред венчавка ќе се преплашат. Од оние кои ќе се преплашат, некои ќе се откажат...

 

...од венчавката а некои стравот ќе му го препишат на претпоставката дека сеедно е дали ќе се омажат или не.

Овој страв не треба туку така да се отпише, треба убаво да се размисли од што навистина се плашат.

Она на што треба да се обрне внимание е кога точно се осетиле вознемирено. Дали е тоа кога со некого зборувате за венчавката, кога размислувате за неа, за бракот, за нова фаза во животот?

Нормално е да почувствувате нервоза, бидејќи стапувањето во брак не е игра. Секако развод постои, денес повеќе од било кога, но за бракот не може туку така да се рече...пу пу не важи.

Сосема е поинаку ако нервозата ја чувствувате кога за бракот разговарате со саканиот. Доколку го сакате и имате доверба во него разговорот за бракот би требало да ве наведе да се почувствувате смирено и среќно.

Дури и ако бракот како таков ве плаши, идејата  дека ќе бидете со саканата личност треба да ве смири. Доколку тоа не е случај, стравувате дека ќе се врзете со погрешна личност. Тоагаш навистина стравот е оправдан.

Ако после повеќекратно внимателно размислување, сè уште не сте сигурни дека тоа е вистинската личност со која сакате да се врзете, можеби навистина не сте еден за друг или пак не сте подготвени за таа фаза во животот.