Брак без секс?!

Тие двајца се веќе долго време заедно. Можеби се венчани, можеби не, но со години се заедно. Одлично се сложуваат. Се сакаат, нема караници...

 

...помеѓу нив, барем не поголеми; на сите кои ги знаат им личат на идеален пар.

Во нивната врска сè функционира одлично, освен една работа: не водат љубов, или попрецизно - нема секс. Уживаат во нежностите, во петингот – но, вистински секс нема. Оваа појава се нарекува неискористен брак или неискористена сексуална врска.

Во случај на неискористен брак постои сексуална желба. Постои силна сексуална привлечност помеѓу партнерите. Но, не доаѓа до вистински секс.

Паровите со ваков проблем сосема се навикнуваат на тоа, за тоа не зборуваат и би можеле така до века...доколку не сакаат деца. Дури кога ваквите парови ќе побараат стручна помош ќе дознаат дека не се единствените со ваков проблем.

Причината за вакво пореметување потекнува од стравот на жената од пенетративен секс. По правило, тие немаат никакво искуство со пенетративен секс и си замислуваат дека тоа многу ќе боли.

Затоа, кога ќе дојде до пенетрација толку многу се згрчуваат што пенетрацијата е невозможна. Не помага ни тоа што жената се согласила на сексуален однос, ниту тоа што патрнерот не ја присилува – стравот е преголем и грчот е пресилен.

Овие жени најчесто биле „татини девојчиња“, мали принцези за кои ниту едно момче не било доволно добро. Во такви семејства мајките се студени личности кои и самите имале проблеми со сопствената сексуалност.

Во случај да забележите ваков страв кај себе, на време консултирајте се со стручни лица. Подобро е да се спречи отколку да се лечи.

И на крајот на краиштата, колку долго може да трае брак без секс?