Три секс „трендови“ кои ни ги носи 2021 година (18+)

Повеќе ништо не е исто, а пандемијата влијаеше дури и на сексуалниот живот. Кои работи ќе бидат актуелни на ова поле во 2021?

Како се промени вашиот сексуален живот во изминатиот период? Дали карантините и ситуацијата со пандемијата направија големи разлики во вашето сексуално темпо?

Што ни носи 2021 година на овој план? Секс експертот Тајоми Морган дава прогноза што ќе биде актуелно на поле секс во 2021.

Мастурбацијата како љубов и нега кон себе

„Со сите тие дождливи, мрачни денови и карантини и физичка дистанца од другите луѓе, задоволството секој ќе го преземе во свои раце и така ќе се зголеми актуелноста на мастурбацијата“, вели Морган.

Ова ќе биде најбезбедната форма на сексуално задоволство. Повеќе нема да има потреба од глума, а оргазмите позитивно ќе влијаат врз вашиот имун систем.

Користење на секс играчки

Секс играчки ќе се купуваат повеќе од кога било, затоа што многу парови се затворени долго дома и веќе им е здодеано од сѐ.

Многумина дури за првпат токму годинава ќе одлучат да експериментираат со секс играчки за да ја разбијат монотонијата.

Виртуелни предигри и онлајн „секс“ состаноци

„Во 2021 отвореноста кон онлајн загревање на ситуацијата и задоволување без да излезете од дома ќе се засили“, вели Морган. И тие што претходно биле против ова, сега ќе се одлучат да експериментираат на ваков начин.

Ова ќе биде новото нормално, кое започна во 2020, а ќе трае и во 2021.

С. С. | Црнобело