Колку често имате секс?

Во повеќето врски, освен со должна почит кон платонската љубов, без секс нема ни добра врска. Велиме...во повеќето, а не во сите врски...

...затоа што постои мал број асексуални луѓе, кои што не чувствуваат потреба за секс, а постојат и врски од интерес, кои се повеќе некој вид деловен договор – па во таквите врски сексот не е важен.

Во сите останати љубовни врски помеѓу возрасни луѓе, без секс, не се може.

Е сега, некој би можел да заклучи дека колку повеќе секс во врската, толку е подобра врската. Кога ги набљудуваме паровите од страна, за некои е очигледно дека помеѓу нив постои страст (не треба ништо особено да прават, тоа едноставно се забележува, на пример од начинот на кој се гледаат), претпоставуваме дека во врската супер им оди- и во поголем број случаи сме во право.

Меѓутоа, дали тоа значи дека честиот секс е неопходен услов за добра, успешна и долга врска?

Не баш. Можеби на почетокот од врската повеќето парови имаат почести сексуални односи, но тоа не значи дека подоцна кога сексот ќе биде поредок врската ќе изгуби на квалитет. Така е и кога се споредуваат парови, не значи дека некој пар кој има почесто секс е посреќен од некој друг.

Што е тоа што има вистинско значење?

Старото правило, не е важен квантитетот, туку квалитетот, важи и кога станува збор за сексуалните односи. Не е важно колку чести се сексуалните односи, туку колку се квалитетни, односно колку обајцата партнери се задоволни.

Многу лош секс, никому нема да му го поправи расположението, а барем и малку фантастичен, страсен секс знае да ја зацврсти врската.

Она што е важно е ускладеноста помеѓу партнерите – ако либидото на едниот бара секс три пати неделно, а на другиот еднаш месечно, таа врска тешко дека ќе опстои.

Компромиси секогаш можат да се направат, но ако постои драстична разлика во потребите, било каков вид копромис ќе ги направи партнерите несреќни.

Значи, квалитетот и ускладеноста, е она што е важно. А што се однесува до „ставањето рецки“, тоа најдобро е да се остави за некој спортски натпревар.

Би сакале да го чуеме вашето мислење за оваа тема!