Што се тоа папучари?

Модерните времиња ја сменија машката улога во општеството. Да се биде папучар денес, не е исто како пред десет години. Еве неколку специфични...

...обележја на папучари.

Првите се оние кои на девојката и ја нудат јакната кога им студи. Не се спортски типови. Како што не се расположени за спортски активности, исто така и немаат врска од технички поправки и менување гуми на возила, па повеќе сакаат да почекаат помош отколку сами да се мачат.

Секако не значи дека некој спаѓа во оваа група само затоа што не е атлетски граден и затоа што не му одат од рака спортовите, а при тоа носи и очила. Важно  е да се има желба и карактер.

Чистокрвните папучари страдаат од недостаток на сопствен став и волја. Поради тоа луѓето, а особено жените лесно манипулираат со нив.

Девојките едноставно си играат со нив, а тие се прилагодуваат заборавајќи ги своите потреби и желби. Нема шанси тие некогаш да се во право – таа размислува за двајцата.

Сепак, не мора да ја заобиколувате кујната оддалеку за да не ве вбројат во оваа група на мажи. Тоа што не сакате да бидете папучар не значи дека треба да поминувате повеќе време со другарите отколку со својата девојка, ниту пак своето мислење да го сметате поважно од нејзиното.

Папучарите се најчесто мамини синови, премногу се врзани не само за својата мајка туку и за родителите воопшто. Тоа се главно разгалени типови кои себеси се сметаат за најважни, затоа што биле одгледувани како мали принцови.

Не треба да се мисли дека тој ќе биде поголем маж ако не контактира со своите родители – напротив. Мажот кој што има либерални и неконвенционални родители треба да биде во одлични односи со нив.

На таквиот маж нема да му биде срам да заигра со мајката на некоја прослава, ниту пак да игра карти или пак поминува корисно време со таткото и неговите пријатели.