Оргазмот, покрај корисните придобивки, може да има и нуспојави – кои се најпознатите?

Главоболката, но и неконтролираната смеа се ретки нуспојави од оргазмот, но сепак постојат.

Предностите и позитивните придобивки на оргазам се бројни. Но, верувале или не, сексуалната кулминација може да предизвика и неколку неочекувани нуспојави.

Еве за кои станува збор:

Грип

Синдромот на посторгазмична болест (POIS) е многу ретка болест. Сепак, кога ќе се појави, лицето развива симптоми слични на грип и алергија по оргазмот, било со партнерот или по мастурбацијата.

Најчесто се јавува кај мажите после ејакулација, но се случува и кај жените. Симптомите можат да се развијат во рок од неколку секунди, минути или часови по оргазмот и обично траат два до седум дена.

Симптомите исчезнуваат сами по себе и вклучуваат замор, слабост, главоболка, треска, болки во грлото и затнат нос. Истражувањата велат дека тие се активирани од автоимуна реакција на спермата кај мажите, додека кај жените таа е поврзана со ткивото околу вагината.

Но, немојте да стравувате бидејќи ова нарушување е многу ретко и најверојатно никогаш нема да се соочите со него. 

Главоболка

Според Mayo Clinic, сексуалните главоболки можат да се појават со зголемување на сексуалната возбуда, непосредно пред или по оргазмот.

Кивање

Една статија објавена во Journal of the Royal Society of Medicine тврди дека кивањето како одговор на оргазмот е појава која „можеби е почеста од очекуваното“, но малку се зборува за тоа поради непријатноста.

Смеа

Нема многу истражувања кои ја откриваат причината за неконтролираната смеа по оргазам, но постојат претпоставки.

На пример, зголемените емоции може да доведат до неконтролирано смеење, а оргазмот е тој што го поттикнува ослободувањето на силните хормони на среќата – допамин и окситоцин.

Плачење

Плачењето може да биде уште еден несакан ефект од оргазмот. Всушност, тагата по сексот (позната како посткоитална дисфорија) е многу честа појава, а истражување покажало дека до 40% од испитаниците го имале овој симптом барем еднаш во животот.

(О)Милена | Црнобело