Балкански романтик

Дали сте еден од оние мажи кои, кога се сами со својата девојка или жена, се нежни и се галат, изговараат најголеми нежности и зборуваат во деминутив...

...а кога се во друштво на колеги или пријатели, го менуваат тонот во формален и зборуваат со саканата личност како со деловен партнер. Такви сте? Е, па, не сте единствени.

На многу мажи им е непријатно да гугуткаат на телефон во присуство на своите пријатели.

Не сакаат да освојат „златна папуча“, па често ќе го уништат она што е многу поважно – добриот однос со партнерката.

Не велиме дека треба да бидете онакви какви што сте на само со саканата, но секако треба да најдете златна средина, па така да ја освоите неа, а и почитувањето од другарите.

Мажите што се многу романтични често сакаат нивната девојка да им возврати со иста мерка. Понекогаш улогите и се менуваат, па понежната половина станува погруба, но тие се ретки случаи.

Како и многуте други предрасуди кои што го тресат општеството, фактот дека девојките се романтични, а мажите мачо фраери кои што го „одвојуваат пленот“, секојдневно предизвикува незадоволство кај припадниците од двата пола.

Имено, мажите во корен се спречени да ја покажат својата, машка страна, а девојките се осудени на потрага по внимание кога и колку можат.

Секако, доколку се заменат улогите и вие едноставно сакате да и купувате цвеќе, да и зборувате во деминутив, да ја држите за рака додека шетате и зборувате  со неа за тоа како ќе ви се викаат децата – слободно опуштете се и заборавете на предрасудите за „синдромот на балкански маж“.

Бидете она што сте, па и ако тоа не се вклопува во општествената слика.

Сепак, отфрлете го секое екстремно однесување. На жените им се допаѓаат не премногу романтични мажи, затоа што во најголем број случаи не им веруваат.