Сè што треба да знаете за мастурбирањето за време на менструација (и зошто тоа е одлична идеја)

Мастурбацијата често води до првиот оргазам, па затоа може да биде одличен начин да го разберете вашето тело и да ги истражите вашите сексуални желби.

Мастурбацијата исто така може да ви помогне да се чувствувате удобно во комуникацијата на вашите сексуални потреби со вашиот партнер.

Многу жени веруваат дека мастурбирањето за време на менструација е лошо, но ова всушност има и некои добри страни (секако ако сте спремни на тоа...).

Придобивки од мастурбирањето за време на менструација

Може да ги ублажи менструалните грчеви: Кога мастурбирате до оргазам, вашето тело ослободува допамин и серотонин, кои делуваат како природни лекови за ослободување од болка.

Го подобрува вашето расположение: Менструациите често доаѓаат со промени во расположението, што очигледно може да ве натера да се чувствувате вознемирени, тажни и лути. Мастурбацијата го намалува стресот преку стимулирање на ослободувањето на ендорфин.

Го подобрува квалитетот на сонот: Ако се борите со несоница за време на менструацијата, мастурбацијата е лек за кој не сте знаеле. Кога доживувате оргазам, вашето тело исто така произведува окситоцин, со што се намалува стресот и ве прави поспани.

Не секој сака да се вклучи во сексуална активност во тој период од месецот и тоа е сосема во ред.

Но, ако сакате да пробате да мастурбирате за време на менструацијата, ќе ви бидат потребни неколку совети: 

Фокусирајте се на надворешната стимулација

Ако сакате да се држите подалеку од вашата интимна зона за време на менструацијата, можете да создадете возбуда во други области.

Фокусирајте се на градите (оргазмот на брадавиците може да биде фантастичен), задникот и кожата.

Допирајте ја кожата и галете го вашето тело. Нема правила кога се мастурбира, освен да се опуштите и да се забавувате. Секако, можете да го вклучите и вибраторот!

Носете тампон

Тампонот е одличен и здрав начин да спречите неред и да уживате сами. Едноставно внесете тампон за да ја апсорбира крвта што ќе тече додека мастурбирате.

Ако носите тампон, ќе можете да го стимулирате клиторисот и да се опуштите безбедно.

Менструални чашки

Менструалните чашки се одлична еколошка алтернатива за тампоните или влошките и ќе ја задржат крвта внатре. Ова значи дека можете да легнете или да стоите и да мастурбирате без да ви тече крв.

Иако ќе бидете ограничени во вашите движења, ова е одличен начин да уживате во мастурбирање за време на менструација!

Направете го тоа под туш

Ако се чувствувате вознемирени да мастурбирате на креветот или на каучот, секогаш можете да влезете под туш за една загреана сесија.

М. Г. | Црнобело