Психолог советува: Сигнали кои покажуваат дека односот со партнерот не ви е добар
Нема искрен и спонтан однос. Иако сте долго време заедно, чувствувате грч, страв и непријатност. Не ги почитува договорите со вас, лесно ги откажува и не го почитува вашето време.
Јелена Пејовиќ е психолог од Херцег Нови, Црна Гора и на Инстаграм профилот „Питај психолога“ (Прашај психолог) постојано споделува совети со кои сака да им помогне на луѓето.
Една од последните објави на Јелена е посветена на тоа како да познаете дека односот со партнерот не ви е добар.
Нејзината објава гласи:
Ова е тема која е најзастапена во вашите пораки до мене, па се потрудив да направам кратко упатство. Се разбира, ова никого не осудува, само ви посочува на тоа дека другата страна не е како вас. Мора да се преиспитате, да поставите граници и да поработите на односот.
Не мора да се разделите, но мора да го поправите токсичниот однос.
Целта е да бидете во здрав однос, без злоставување и запоставување на потребите.
Сигнали дека односот со партнерот не ви е добар:
Нема искрен и спонтан однос. Иако сте долго време заедно, чувствувате грч, страв и непријатност.
Не е точно одредено каков е вашиот однос – дали тоа е врска или само „пријателство со привилегии“ итн.
Не ги почитува договорите со вас, лесно ги откажува и не го почитува вашето време.
Не се труди и нема иницијатива, се чувствувате само како вие да ги влечете конците и потоа вели дека барате премногу.
Смета дека едно „извини“ е доволно, без да се потруди на дело да се извини. На секоја ваша замерка ве осудува дека сте напорни.
Нема заеднички планови со вас, сè е спонтано, а всушност вие сте му опција за кога ќе му пропаднат другите планови.
Не ги памети работите во вашата врска (родендени, годишнини), ниту пак разговорите и вашите омилени работи.
Додека сте заедно повеќе разговара на телефон, отколку што разговара со вас.
За сè ве уценува, ви префрла и ве казнува со рамнодушност.
Разговор за проблемите не постои, веднаш прави хаос за да го избегне разговарањето.
Кога има проблеми и му треба услуга станува најгрижлив на свет.
Го иритирате што и да направите, само се жали, се лути и глуми жртва.
С. С. | Црнобело
Би можело да ве интересира:
Препорачуваме
Најчитани неделава
