Што е „принцеза синдром“ во сексот? (18+)

Надвор од спалната соба „принцеза синдромот“ може да значи партнерот да ви придржува врата и да ве разгалува со внимание, но во спалната соба, односно кога станува збор за сексот, тоа се поврзува со улоги.

Сите како деца сме гледале бајки за тоа како убавите принцези се спасувани од страна на прекрасен принц, но како возрасни гледањето на овие приказни го перципираме малку покомплексно.

За некои уште изгледа романтично, но за други е сексистичко и навредливо за женскиот пол.

Сепак, за голем дел од жените идејата да бидат третирани како принцези е возбудлива.

Па, така ако имате „принцеза синдром“, тогаш вие уживате во тоа партнерот да ја има контролата и да му дозволите да прави сè за вас.

Надвор од спалната соба тоа може да значи партнерот да ви придржува врата и да ве разгалува со внимание, но во спалната соба, односно кога станува збор за сексот, тоа се поврзува со улоги и ако двете страни се согласни жената има понизна улога, односно улога на „потчинета“.

Фразата не треба да се меша со фразата „перница принцеза“, која посочува на партнер кој е мрзелив во креветот и не вложува напор.

Секс експертот Нес Купер вели дека „принцеза синдромот“ може да постои на различен начин во различен тип на врски, но секако се однесува на балансот на моќта и кој ја води динамиката во сексот.

„Поделбата на моќта помеѓу принцезата и нејзиниот принц може да биде комплексна и уникатна само за нив, а терминот принцеза во спалната соба ги возбудува некои луѓе затоа што прави моментот да биде уште поеротски и асоцира на нешто возбудливо и има доза на невиност во него.

Од друга страна мажите сакаат да бидат принцови, односно да бидат одговорни за својата сакана.

Се разбира, сето ова е со согласност на двајцата, во спротивно може да биде прифатено како навредливо“, вели Нес Купер.

С. С. | Црнобело