Што го предизвикува болниот секс кај мажи и жени + како да ја намалите болката?

Сексот може да биде болен и за мажите и за жените, а за тоа постојат повеќе причинители. Болниот сексуален однос не е невообичаен проблем, па постојат одредени совети кои може да ви помогнат да уживате повеќе.

Сексуалниот чин би требало да причинува задоволство, но некои личности наместо да уживаат, искусуваат болка. Болниот секс, познат и како диспареунија, е состојба која се карактеризира со постојана болка при пенетрација.

Болката може да се почувствува длабоко во внатрешноста или долниот дел од стомакот. Кај некои жени ова трае кратки периоди, додека некои се соочуваат подолго со оваа состојба. Во секој случај, болниот однос не е невообичаен проблем.

Доктор Шашидар Б ги открива причините за болниот секс и како може да ја намалите болката.

Дали сексот може да биде болен и кај мажите?

Одговорот е да. Сексот може да биде болен од повеќе причини, а овој проблем може да го имаат и мажите и жените.

Фимозата или затегнатата кожичка се на врвот на листата на причини зошто мажите може да доживеат болен секс.

Други потенцијални причини за болен сексуален однос кај мажите може да бидат болести како херпес, габични инфекции, рани или искривување на пенисот.

Што предизвикува болен секс кај жените?

Недоволна влажност

Честата причина за болен секс кај жените е поради намалената влажност на вагината, што е резултат на недоволна возбуда. Постојат и некои медицински состојби, но и некои лекови кои можат да предизвикаат сувост.

Вагинизам

Вагинизмот е страв од болка при сексуален однос. Некои жени може да се плашат дека односот ќе им предизвика болка, крвавење или рани, а како резултат на тоа се обидуваат да се воздржат од сексуална активност.

Менопауза

Во фазата на менопауза, жените минуваат низ хормонални флуктуации. Ова може да доведе до сува вагина, што ја прави болна пенетрацијата.

Други состојби

Други состојби кои може да придонесат за сексуална болка кај жените се следниве:

• Улцерозни лезии
• Инфекции
• Воспаление (како што е вулвовагинитис)

Продолжува на следната страница...