Знаци дека за еден пар по свадбата (најверојатно) доаѓа развод

Ако едниот партнер не покажува апсолутно никаков интерес за планирањето на свадбата, најверојатно така ќе се однесува и во бракот. Кои се другите знаци дека парот нема да издржи долго по венчавката, според организатори на свадби?

znaci-deka-parot-najverojatno-kje-se-razdeli-po-svadbata-spored-organizatori-na-venchavki-01.jpg

Планирањето венчавка е среќен, но и многу стресен период од животот, па може да биде одличен тест за парот.

Ова го тврдат и неколку организатори на свадби од САД, кои за Insider откриваат кои се ситниците во односот на партнерите при организирањето на свадбата што покажуваат дека најверојатно ќе се разделат.

Нивните предупредувачки знаци во продолжение:

Партнерите имаат потполно различно мислење за буџетот за свадбата

Леора Солејмани вели дека во деветте години што работи како организатор на венчавки, најголемиот предупредувачки знак што го забележала кај младенците е несогласувањето во врска со буџетот.

„Многу парови, почесто невестите, не се реалистични за она што можат да си го дозволат.

За момент заборавете на свадбата – ако едниот партнер лета во облаци во врска со она што може да си го дозволи, замислете го нивниот живот во иднина“.

Таа истакнува и дека разговорот за буџетот за свадбата е огромен тест за сите парови.

znaci-deka-parot-najverojatno-kje-se-razdeli-po-svadbata-spored-organizatori-na-venchavki-02.jpg

Партнерите не се почитуваат

„Голем предупредувачки знак е кога не се почитуваат – момчето или невестата ќе сака одредено нешто, а другиот партнер ќе го понижи, наместо да рече ’Ајде да разговараме и заедно да најдеме решение‘.

Навистина гледам многу врски кои не се воопшто здрави и секогаш се прашувам дали ќе издржат“.

znaci-deka-parot-najverojatno-kje-se-razdeli-po-svadbata-spored-organizatori-na-venchavki-03.jpg

Едниот партнер е потполно незаинтересиран за планирањето

„Имам соработувано со неколку парови каде што невестата е заинтересирана за планирањето и деталите од венчавката, додека момчето не покажува никаков интерес“, открива организатор на венчавки кој сакал да остане анонимен.

Тој вели дека иако е нормално едниот партнер да се ангажира повеќе, кај среќните парови, и другиот партнер пробува да помогне колку може.

„Работев со пар каде што момчето не беше воопшто вклучено во планирањето, до тој степен, што се запрашав дали девојката воопшто има свршеник“.

znaci-deka-parot-najverojatno-kje-se-razdeli-po-svadbata-spored-organizatori-na-venchavki-04.jpg

Продолжува на следната страница...



Би можело да ве интересира:

12 типови на жени од кои мажите бегаат (како од оган) Од жени кои се негативни и сметаат дека никој не ги сака – ниту пријателите, нит...
Колку често жените мислат на секс и уште 5 прашања за сексот на кои мажите бараат одговор (18+) Колку често жените размислуваат за секс и што е она што најмногу ги возбудува се...
Што сакаат мажите постари од 40 години во сексот? (18+) Мажите над 40 години признаваат дека ги возбудува кога жената ќе облече нешто од...

Најчитани неделава

sonovnik-sidebar.jpg