Даниела Ѓуровска е една од најдоброоблечените трудници во Македонија (фото)

„Бременоста ми е ролеркостер од нови емоции, многу апетит, поразлично самоосознавање, плус 20 килограми и нов стил. Најмногу од сè ми недостасуваат фармерките, имам два пара од оние за трудници и не ги облеков ниту еднаш. Решив дека ќе облечам фармерки кога ќе можам да влезам во старите, барем 36-ка“, вели Даниела Ѓуровска (28), која е една од најдоброоблечените трудници во Македонија.

Даниела Ѓуровска (28) живее во Скопје, а по професија е маркетинг менаџер во Fashion Group, иако има студирано дизајн.

Љубовта кон модата направила на својот Инстаграм профил да има повеќе од 11.000 следбеници, со кои постојано ги споделува своите модни комбинации, а периодов тие се труднички.

Даниела дефинтивно е една од најдоброоблечените трудници во Македонија.

Во однос на тоа како се чувствува во овој период од животот и кои се нејзините модни избори, Даниела открива за CRNOBELO.com:

„Мислам дека никогаш не ми било поголем предизвик да опишам како се чувствувам, па накратко би рекла ролеркостер од нови емоции, многу апетит, поразлично самоосознавање, плус 20 килограми и нов стил.

Неблагодарно е да речам дека ми е тешко, за среќа имам лесна бременост, секако со сите предизвици што ги носи истата, но освен плус килограмите, на кои не сум навикната, немам други тешкотии.

Емоциите и апетитот се трудам да ги држам во нормала и кога станува збор за стилот, да го прилагодам на оваа фаза од животот, за мене, најубавата.

Фустаните што беа во мал процент застапени во мојот гардеробер сега се на прво место, особено оние со многу еластин, па се тешам дека сè уште сум величина S.

Овој период, првиот избор ми се удобните патики, но секако, иако прагот на издржливост е помал, кога имам можност секогаш одбирам високи потпетици.

Продолжува на следната страница...