Чудесни прстенчиња

Овој накит не е само украс или моден додаток, ниту пак треба да покаже колку ви е длабок џебот. Задачата на овие прстенчиња е да ве расположат...

...и да ви сервираат инстант ведрина на дланка :)

Единственото нешто што сето ова време ни недостасувало на долгите кафе седенки е по некое вакво прстенче!

Шарените чуда се на Софија Молнар од Канада која живее во Јапонија, земјата во која е бескрајно вљубена и каде наоѓа доволно инспирација за весели креативни експерименти.

Ако се трудите да оставите впечаток со изборот на накит, ова е веројатно најслаткиот начин да го постигнете тоа.

Таа има што да им понуди и на ретките кои не сакаат кафе: чајче, пиво, сендвичи, сладолед, пица, чипс и десерти меѓу кои и зашеќерено јаболко и популарното лава колаче (кај нас познато и како „топло-ладно“)...

А за романтичните најдовме и понежно цветно прстенче:

Ни се допадна и старинскиот бакарен сет што веднаш нѐ потсети на турско кафе...

Пушачите може да му пркосат на законот влегувајќи со цигара во кафуле :)

Вечната комбинација кафе и цигара на прстен (чини 65 долари) од дизајнерката Дејна Рот.

Ако детето во вас ја надвладува потребата од практични решенија сигурно веднаш ќе посакате некоја од овие неодоливи минијатури.

Повеќето може да ги нарачате на etsy.com, голема онлајн креативна заедница каде најмногу се продаваат рачни изработки.

Кое си го одбравте?

З.П. | Црнобело