Ким Кардашијан во кожен фустан, градите на Серена Вилијамс „претекуваат“ - Кои дами издоминираа на CFDA модните награди?

Ен Хатавеј покажа дека и тоалетата изработена од тексас може да изгледа елегантно во комбинација со вистинскиот накит, Ким Кардашијан издоминира во црн кожен фустан, а Деми Мур покажа дека годините се само бројка – па во сребрен светкав фустан ја покажа извајаната линија.

Во понеделникот (06.11) во Њујорк се одржа доделувањето на CFDA модните награди, што се организира од страна на Советот на модни дизајнери во Америка. Ен Хатавеј, Ванеса Хаџенс, Гвинет Палтроу, се само некои од имињата што се појавија на црвениот тепих.

Сепак, најголемо внимание на настанот привлече Ким Кардашијан која се појави во кожен фустан во готски стил кој ја истакна нејзината совршена фигура и облини.

Фустанот имаше копчиња изработени од кристали на грбот и делумно беше оставен откопчан со што ријалити ѕвездата успеа да ги покаже своите извајани нозе.

Водителка на настанот требаше да биде модната икона од Sex and the City, Сара Џесика Паркер, но таа се откажа заради оправдани причини, па нејзиното место ѝ припадна на актерката Ен Хатавеј.

Ен успеа да го привлече вниманието така што на настанот се појави во тоалета изработена од тексас, а целиот изглед го надополни со ѓердан изработен од дијаманти и сафир.

Во текот на вечерта таа уште еднаш го промени стајлингот, па се појави во црвен фустан од тантела со цветни декорации.

Деми Мур уште еднаш успеа да ги украде воздишките и да покаже дека годините се само бројка. Актерката која изненадува со нејзиниот неверојатен изглед и на 60 години, на настанот се појави во сребрен светкав фустан, којшто совршено ја истакна нејзината извајана фигура.

Погледнете повеќе фотографии во продолжение:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

Б. С. Б. | Црнобело