10 парчиња облека и чевли кои треба да престанете да ги купувате

Едни парчиња облека се непрактични, други делуваат смешно, а има и такви кои се вистинско мачење кога да ги носите. Која облека и кои чевли треба да престанат да се произведуваат бидејќи ретко кој може да ги носи со самодоверба и без да „трпи за убавина“?

Модата постојано се менува, се појавуваат нови трендови и стилови. Но, некои модни компании и дизајнери како да подзаборавиле на креативноста, па на пазарот упорно пласираат парчиња кои се непрактични (фармерки без џебови) или неудобни (штикли со нагласен шпиц).

Ова се 10 парчиња облека и чевли кои би требало да престанат да се произведуваат (а и вие да престанете да ги купувате):

Кроп-топ

Постојат модели на кроп-топ кои им стојат само на екстремно слабите девојки.

А, можеби најчудни се кроп-топ џемперите кои не се погодни за ниту една сезона.

Фармерки без џебови

Фармерките без џебови се потполно непрактични.

И за разлика од панталоните без џебови, ваквите фармерките ги истакнуваат несовршеностите на телото, особено кога ќе седнете.

Градник без прерамки

Иако е најдобрата опција кога носите фустан без прерамки, градникот без прерамки најчесто е непрактичен.

Или ве стега премногу за да се држи на телото и да не падне, или цело време паѓа, па мора да го кревате и подместувате.

Тесни маички со уште потесни ракави

Некои маички се толку тесни, што не можете да влезете ни во својот број, ни во еден број поголема маичка.

Време е ваквите модели да излезат од мода.

Облека со „глупави“ натписи

Ви се случува ли да видите парче облека во убава боја, интересен модел и натпис, но да се разочарате кога ќе го прочитате натписот до крај?

Некои пораки едноставно не треба да бидат напишани на облеката.

Продолжува на следната страница...