Џејн Фонда (86) им одржа модна лекција на помладите колешки: Највпечатливите креации на отворањето на Канскиот филмски фестивал

На црвениот тепих во Кан продефилираа филмски ѕвезди, модели, благородници, но највпечатлива беше Џејн Фонда, која на 86 години им одржа модна лекција на помладите дами.

Синоќа (15.05) на француската ривиера свечено беше отворен 77. Кански филмски фестивал. Честа да го отвори фестивалот, годинава му припадна на францускиот филм Le Deuxième Acte, со Леа Сејду во главната улога.

Таа на црвениот тепих дојде облечена во долг сребрен фустан со длабоко деколте и доби комплименти за изгледот.

Ништо помалку впечатливи не беа ни моделите Хајди Клум, која избра црвен балски фустан, и Хелена Кристенсен, која носеше бел фустан со бела наметка која продолжува директно од ракавите.

На висина на задачата беше и американската манекенка Тејлор Хил, облечена во црно-бел фустан, со шлиц скоро до колкот, а изгледот го дополни со впечатлив накит.

По 35 години, во Кан дојде и Мерил Стрип, која доби почесна Златна палма, а наградата ѝ ја предаде нејзината колешка, актерката Жулиет Бинош.

Лејди Викторија Харви избра кралски фустан во бледо розова боја, со наметка и впечатлив брош.

Но, во целиот тој гламур, најмногу внимание привлече Џејн Фонда. Холивудската ветеранка на отворањето на фестивалот дојде облечена во црн костим со навезени сребрени и црни детали.

Изгледот го дополни со сребрени чевли и малку накит. Преку костимот носеше долг капут во кафеаво-црна боја, кој ѝ прилегаше одлично.

Стилистите велат дека актерката на 86 години им одржа вистинска модна лекција на многу помладите колешки.

Погледнете дел од највпечатливите изданија на отворањето на Канскиот филмски фестивал 2024:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

А. Ј. | Црнобело