„Парите не можат да ти купат стил“ – Блејк Лајвли исмеана за панталоните со дупки кои чинат 19.000 долари

„Сакате грди панталони или нов автомобил од салон?“ – прашуваат твитерџиите, откако се дозна дека фармерките на Блејк Лајвли се продаваат по цена од 19.000 долари, а од фотките речиси никој не ја забележа нивната уникатност, само дупките.

Холивудската актерка Блејк Лајвли привлече внимание на социјалните мрежи откако на премиерата на нејзиниот најнов филм, It Ends With Us во Тексас, се појави во опуштено издание со бела маичка и фармерки кои оддалеку изгледаат целосно искинати.

Таа и останатите ѕвезди во филмот беа модно усогласени со фармерките, но Блејк се појави во дизајнерки модел од Valentino кој се продава по цена од 19.000 долари.

Според модните експерти, станува збор за модно ремек-дело.

Фармерките се модел во кој се извезени цветови од хибискус, кои треба да потсетуваат на тантела.

Но, според нејзините фанови и твитерџиите, овие фармерки потсетуваат на оние што неодамна ги носеше дечкото на нејзината другарка Тејлор Свифт, Тревис Келце.

За потсетување, фармерките што ги носеше Келце имаа толку многу дупчиња на нив, па твитерџиите се шегуваа дека најверојатно бил нападнат од мачките на неговата девојка.

За фармерките на Блејк Лајвли има повеќе коментари на Твитер, а речиси сите се согласни дека за тие пари, актерката можела да најде далеку подобар модел.

„Дури и молците страдаат со скапите цени!“;

„Сакате грди пантaлони или нов автомобил од салон“;

„Од ова се гледа дека пантолоните не можат да ви купат стил“;

„Задникот ѝ изгледа одлично и само тоа е важно кога купувате фармерки“.

Што мислите вие? Би носеле ли на себе сличен ваков модел фармерки?

Б. С. Б. | Црнобело