9 совети со кои ќе изгледате како „милион долари“ (без да потрошите многу пари)

Плетен џемпер со V-отвор на линии, кафена чанта за секоја комбинација - некои парчиња облека делуваат луксузно и гламурозно дури и да ги носите неколку сезони или и да не сте ги платиле прескапо... 

За да изгледате шик и во тренд, секогаш во плакарот треба да имате по некое парче од најновите модни колекции.

Но, факт е дека не мора да купувате нова облека секоја сезона за да бидете ИН и да изгледате како „милион долари“.

Стилистите велат дека повеќето жени во своите плакари во секоја следна сезона сигурно ќе најдат по некое подзаборавено, а сепак добро сочувано парче облека кое ќе можат да го „вратат во живот“.

Токму тие парчиња се добредојдени за да не мора да купувате секоја сезона нова облека и да трошите куп пари.

Или ако сакате нешто ново, тоа не мора да е прескапо - дури и поевтините парчиња може да делуваат безвременски или со нив да оставите впечаток дека имате беспрекорен (и скап) вкус и стил.

Ова се неколку совети од стилистите за тоа како да изгледате совршено и „скапо“, а притоа да не „банкротирате“:

Изберете вистинска комбинација на бои

Не се плашете да „си играте со боите“ - комбинирајте комплементарни нијанси (се наоѓаат една спроти друга на тркалото на бои) или бои кои се наоѓаат една покрај друга на тркалото на бои.

Одлична комбинација се виолетова со жолта, лаванда со крем, бледо розова со бургунди.

А ако во вашиот плакар нема вакви бои, тогаш фокусирајте се на неутралните тонови (црна, сива, тегет, кафеава) или изберете светли нијанси - бела и беж со кои ќе делувате секогаш елегантно.

Обрнете внимание на отворот на блузите

Ако сакате да изгледате елегантно и со стил, изберете блузи со соодветен отвор.

Избегнувајте маички, а наместо тоа носете ролки (кои асоцираат на пари и на облеката на некогашните богати семејства) или блузи со „грчки отвор“ кои потсетуваат на елеганцијата од 1950-те години.

Не за металните копчиња

Подобро е да купите кошула со пластични, отколку кошула со метални копчиња.

Иако на прва изгледаат впечатливо, повеќето стилисти се сложуваат дека делуваат евтино.

Поло маички наместо обични блузи

Стилистите тврдат дека поло маичките се одраз на стил и богатство и дека ова парче облека го преферираат луѓето со многу пари.

Сепак, за ваквата маичка (со јака) не мора да потрошите вистинско богатство, бидејќи секаде можете да најдете модели по пристапни цени (и да ги носите со години).

Продолжува на следната страница...