Зошто славните дами шетаат само по долна облека (и прават тренд од тоа)?

Бела Хадид јаде парче пица додека шета по гаќи, Кајли Џенер прошета со долна облека врз хулахопки, Катарина Ивановска носи дизајнерска креација од која ѕирка долната облека... Дали стајлингот само со долна облека тивко стана нов тренд?

Славните дами прославуваат многу храбри и необични трендови, но во последно време се популаризира излегување од дома само по долна облека.

Иако беше делумно прифатливо кога моделите заради некоја модна кампања и фотосесија позираа и шетаа во долна облека по улица, сега станува збор за нешто сосема друго.

Тие не одат по долна облека само на фотосесии и вечерни модни настани на црвен тепих, туку почнуваат да го бираат овој стајлинг за секојдневни излегувања.

Ирина Шајк на Кански фестивал 2023 се појави во минималистичка долна облека, со проѕирна наметка и црн блејзер.

Бела Хадид беше забележана како ужива во парче пица додека шета по шорцеви што наликуваат на гаќи-боксерки.

За (веројатно поранешната) сопруга на Канје Вест, Бјанка Сенсори, веќе знаеме дека нема каде се нема појавено во голо издание, по долна облека.

Тејлор Свифт, Кајли и Кендал Џенер, Рита Ора, Џулија Фокс и многу други се исто така дел од „движењето“ кое храбро го промовира трендот на долната облека како (речиси) единствено парче облека на себе.

Овој тренд, во умерена доза е популарен и кај Македонките, па така дизајнерката Стефанија Насеска Попадинец, на Shtip Fashion Days се појави во стајлинг без панталони, само со хулахопки.

Нашата, а светска манекенка, Катарина Ивановска, заблеска додека позираше во дизајнерска креација на Марков, каде под мрежастиот фустан и светкавиот блејзер, во фокус е долната облека. 

Креациите на дизајнерите на модните писти сè почесто ги изоставаат панталоните и моделите дефилираат по долна облека.

Токму тоа ја наметнува идејата кај славните дами почесто да бираат вакви стајлинзи не само за модни настани, туку и за најобични прошетки до бензинска пумпа. 

За некои овој тренд е ноќна мора, за други храбар моден погодок, но очигледно дека трендот е тука и славните девојки немаат намера да се откажат од него во скоро време.

Наметнати со јакна или мантил, дополнето со хулахопки или не, за црвен тепих или прошетка низ град, „исчезнувањето“ на панталоните во модните стајлинзи станува реално.

Кајли Џенер

Дали ова значи дека се поместуваат границите за тоа што е примерно, а што непримерно да се облече на обично излегување од дома? 

Уште неколку познати дами кои прошетаа низ град или по црвен тепих по долна облека:

Рита Ора

Тејлор Свифт

Кендал Џенер

Џулија Фокс

М. М. | Црнобело