Адријана Лима се врати по 6 години, сестрите Хадид издоминираа на пистата: Спектакуларно шоу на Victoria’s Secret 2024

Некогашниот најпопуларен ангел Адријана Лима (43) имаше спектакуларно „враќање дома“, откако го напушти брендот, па мачеше мака со килограмите, Тајра Бенкс го затвори шоуто, а на пистата прошетаа и Кејт Мос, Ирина Шајк, Ешли Греам. Како изгледаше шоуто на Victoria's Secret по 6 години пауза?

Вчеравечер во Њујорк се одржа спектакуларното модно шоу на Victoria's Secret, прво по 6 години, откако во 2018-та го имаше своето последно издание.

Ревијата ја отвори Џиџи Хадид, а шоуто заврши со појавувањето на Тајра Бенкс.

Но, сепак, најголемото изненадување беше спектакуларното враќање на Бразилката Адријана Лима (43) која во 2018-та го напушти брендот.

Враќањето на Лима беше главна тема во дел од светските медиуми уште од моментот кога организаторите открија дека таа ќе се појави на пистата во Њујорк.

Многумина се сомневаа дека некогашниот најдобар ангел на Victoria's Secret ќе биде во топ форма, по неколкуте години во кои мачеше мака со вишокот килограми.

Но, таа излезе победнички на пистата и покажа дека ни тоа што е во петтата деценија, а ни тоа што има 3 деца, не ѝ може ништо и дека и понатаму е меѓу најдобрите.

Лима се појави двапати на пистата, во црн и црвен секси аутфит, а коментарите на социјалните мрежи се дека изгледа како во најдобрите денови.

Таа на својот Инстаграм профил сподели моменти од подготовката за шоуто и се пожали дека е изморена, но дека едвај чека да излезе на пистата.

Враќање во шоуто имаше и Александра Амбросио, која заедно со Лима долги години беше носител на целиот моден настан.

Но, оваа година, фокусот беше на сестрите Хадид.

Ревијата спектакуларно ја отвори Џиџи Хадид, облечена во розов аутфит со розови крилја.

Нејзината сестра Бела, пак, од фановите на социјалните мрежи го доби епитетот „кралица на шоуто“.

На ревијата на Victoriа’s secret, која првпат се одржа во 1995 година, сега се појавија и Ирина Шајк, Кејт Мос и нејзината ќерка Лили, Ешли Греам, а ревијата ја затвори Тајра Бенкс.

Погледнете го видеото од ревијата (почнува на 14:25):

Повеќе фотографии од шоуто:

Продолжува на следната страница...