9 ситни детали кои може да го уништат и најдобриот моден стајлинг

Стегач за коса ставен на зглобот на раката, испукана јакна, тешки обетки... поради кои ситници ќе изгледате неубаво, дури и да сте совршено дотерани и нашминкани?

Постои верување дека првиот впечаток за некоја личност го создавате во првите 6 до 8 секунди откако ќе се видите со него/неа.

Токму затоа е важно секогаш кога излегувате од дома да обрнете внимание дури и на најситните детали, кои мислите дека никој нема да ги забележи - на пример косата не ви е исчешлана или ноктите ви се поткршени...

Кои ситници (кои ги превидувате или вам не ви пречат), може да создадат погрешен впечаток за вас или да го уништат и најдобриот моден стајлинг?

Хулахопки комбинирани со шорцеви

Скоро сите хулакопки во горниот дел се направени од подебел материјал (кој треба да го стегне стомакот или половината или да ја подобри издржливоста на хулахопките).

Но, многу девојки и жени прават грешка, па ваков тип хулахопки комбинираат со шорцеви (или многу кратки здолништа) па се гледа дебелиот дел.

Ова е исто како под облеката да ви се ѕирка долната облека и воопшто не е стилски.

Ластиче или стегач за коса на зглобот

Многу девојки ќе ја врзат косата во опавче пред да излезат од дома, но потоа ќе се премислат и ќе ја пуштат.

А ластичето или стегачот за коса, наместо да го стават во чанта или во џеб, го ставаат на зглобот на раката.

Оваа „алка“ не само што не делува убаво, туку и го уништува целиот изглед (и вашиот труд да се дотерате).

Тешки обетки

Некои обетки може да делуваат гломазно, а да се лесни за носење, а други се ситни, но тешки и ја влечат надолу ресичката од увото.

Или пак, кога се тешки, го оптоваруваат дупчето на увото и тоа станува големо и неубаво за гледање.

Прстени или алки со погрешна големина

Понекогаш избирате накит со погрешна големина, само затоа што ви се допаѓа.

Некои прстени ви се преголеми и ви паѓаат или, пак, се претесни и ви го „сечат“ прстот. Ова се однесува и на алките.

Сè што е преголемо или премногу тесно не изгледа убаво, па избегнувајте ги.

Продолжува на следната страница...