Јасмина (28) од Скопје се облекува во тон со ќеркичката Клара (5) - во едноставни и елегантни аутфити

Откако станав мајка спонтано почнав она што ќе го изберам за себе да го усогласам со она што би го избрала за ќерка ми, а ако треба конкретно да зборувам за стилот и модата ќе кажам дека сум личност што ја сака и негува класиката и едноставноста на елеганцијата.

Не сум личност што се води по моменталните трендови. Изборот на облека и стилот кој го негувам за мене секогаш претставувале начин на израз на карактерни црти и она што сум како личност.

Клара карактерно е истрајно и многу борбено девојче, кое ќе најде начин да го добие она што навистина го сака, а јас како мајка никогаш не инсистирам постојано нејзината облека да е искомбинирана со мојата.

Секогаш ѝ давам личен простор да одлучи што сака да облече тој ден, но среќна сум за чувството што го имам, а тоа е дека како што расте така црпи инспирација од моите избори на повеќе нивоа, па и за облеката.

За жал, низ професијата сум сведок на сè помалата конекција на мајките со своите деца, сè помало прифаќање на сопствените деца онакви какви што се, целосно непрепознавање и изгубеност во односот, па затоа она што сакам да го постигнам како мајка на едно девојче е да ја научам дека секогаш ќе ме има покрај неа.

Но да ја научам и на вредноста на времето кое треба да го помине сама со себе, да ја научам да се запознае себеси, да научи како да распознае што сака, а што не, а облеката и изборот што ѝ го давам секогаш кога треба да одлучиме за некоја комбинација ми служат како алатка во ова“.

Повеќе фотографии на следната страница...