Како да изберете фармерки што ќе ви стојат добро (и како да ви траат подолго)?

Ако фармерките имаат набори кај делот со патентот, тогаш не ви се точни, а ако купувате широк модел, идеално е да биде направен од памук.

Воопшто не е лесно да се најдат фармерки што ни стојат добро – има безброј модели, а и големините можат да варираат во зависност од продавницата или местото каде се произведени.

Некогаш проблем се и квалитетот и начинот на изработка, па дури и да ви се точни, сепак да не ви се допаѓа како изгледаат на вас.

Па, како да изберете фармерки што ќе ви стојат добро, но и како да ви траат подолго?

Ако се прават набори, не ви се точни

Кога ќе ги пробате фармерките, обрнете внимание дали се прават набори на делот каде што почнуваат ногавиците.

Ако е во прашање потесен модел, фармерките треба да бидат залепени за вас, а не да бидат стуткани дури и кога стоите исправено.

Кај пошироките модели, предниот дел на фармерките, каде што е поставен патентот, не треба да биде испакнат – тоа е знак дека ви се широки.

Не се потпирајте само на големината

Големината на облеката може да варира од продавница до продавница, па немојте да се потпирате само на неа.

На пример, фармерките од американски бренд може да се поголеми од оние што ги продава европски бренд, без разлика што и двата модела се со број 30.

Исто така, обрнете внимание и на материјалот – ако фармерките се растегливи, може да  ви треба помал број. Доколку не се растегаат, можно е да треба да купите поглем број.

Генерално, секогаш пробајте неколку различни броеви за да најдете што ви стои најдобро.

Обрнете внимание на џебовите

Поставеноста на џебовите има огромно влијание врз тоа како ќе ви стојат фармерките.

Задните џебови не треба да бидат поставени ни премногу ниско, ни премногу високо.

Идеално е долниот дел на џебот да почнува веднаш над местото каде што се спојуваат нозете и задникот.

Вака поставените џебови прават задникот да изгледа подобро.

Исто така важна е и големината на џебовите – избегнувајте модели со премногу големи или со премали џебови.

Немојте да ги перете многу често

Со секое перење, бојата на фармерките малку избелува и затоа е препорачливо да не ги перете по секое носење.

Бодејќи се од дебел материјал, фармерките слободно можете да ги облечете и четири, пет, па и повеќепати пред да ги исперете.

Продолжува на следната страница...