Шест впечатливи комбинации на бои идеални за пролетни аутфити

Пудра розова и боја на песок, но и небесно сина во комбинација со путер жолта – неколку предлози за оваа пролет.

Ако веќе ви здодеаја истите (и безбедни) комбинации на бои, оваа пролет слободно можете да експериментирате.

Како и секоја пролет, и годинава најпопуларни се светлите и пастелните нијанси, но сега во посмели комбинации – некогаш со контрастни бои, а некогаш и со многу слични тонови.

Шест комбинации на бои идеални за оваа пролет:

Небесно сина и пастелно зелена

Пастелните нијанси се како „пролетна униформа“.

Небесно сината и пастелната зелена делуваат како слични нијанси, па заедно во комбинација изгледаат навистина свежо и „пролетно“.

Резултатот е елегантен аутфит во кој има малку простор за грешка.

Боја на лаванда и виолетова

Уште две слични нијанси кои изгледаат одлично заедно и создаваат женствени елегантен изглед.

Најдобро е да ги комбинирате со понеутрални модни додатоци за да не го оттргнете фокусот од убавите нијанси.

Бордо и небесно сина

Ако сакате повеќе контраст, нема да погрешите со небесно сина во комбинација со бордо.

Бордо нијансата е хит веќе некое време, а заедно со небесно сината е одличен спој за пролетни комбинации.

Пудра розова и боја на песок

Пудра розовата е хит скоро секоја пролет и изгледа мошне добро во комбинација со боја на песок.

Додека розовата нијанса е елегантна, бојата на песок му додава топлина на аутфитот.

Боја на путер и небесно сина

Очигледно, небесно сината е фаворит за оваа пролет, а изгледа многу добро во комбинација со друг тренд – путер жолта.

Двете нијанси одлично се балансираат една со друга.

Боја на јаглен и црвена како цреша

Темно сивата нијанса, слична на јаглен, можеби не е прв избор за пролетни комбинации.

Но, ако акцентирате со црвена како цреша можете да добиете совршен пролетен аутфит, особено ако не сте фан на многу светлите бои.

Спирова С. | Црнобело