Рафаел Надал за Ланвин

Ланвин продолжува со новите одлични изненадувања и овој пат се ослонуваат кон спортски ориентираните мажи. Како и Диор, и Ланвин...

 

 

...почнаа со освојување на пазарот, го освоија и полека ги снема. Барем кога зборуваме за козметиката.

Го добивме Dior Homme Sport, а сега стигнува и Lanvin L'Homme Sport, новиот машки мирис спакуван во шишенце со сина боја во класичен Ланвин стил.

Заштитно лице на парфемот е Рафаел Надал, светскиот рекет број 1, што повторно изненадува знаејќи дека Ланвин до сега воопшто не покажуваше тенденција и наклоност кон спортски градените мажи.

Облечен во едноставна бела кошула со црна кравата околу вратот, го долови моментот на потполна безгрижност и мирис кој го слави доаѓањето на летото.

Парфемот е опишан како свеж и дрвенаст со примеси на цитрус. Се шушка дека Надал веќе следното лето треба да го потпише и својот прв парфем, а до тогаш ќе го промовира новиот сјаен изум на модната куќа Ланвин.